焦點燃論｜滙豐價殘 隨時「爺吞象」 青姐︰內地可令股價再插水
焦點燃論滙豐胡孟青徐家健
滙控（005）連日跌穿多個心理關口，逼近28元供股價，見25年低位。獨立股評人胡孟青當年落淚價是33元，如今看到跌至2字頭的滙控更不勝唏噓，「股價都已跌穿30，再估仲有咩意思，係咪好想人估單位數先至開心？」
青姐不想估底，但坦言滙控股價有可能低處未算低，尤其美國聯儲局已對息率宣佈「死刑」，未來3年都不會加息，銀行業短期內根本無利可圖；再加上滙豐隨時被中共列入不可靠實體清單，有機會要退出中國市場，內外交困，左右不是人之下，前景暗淡。
「當然望都望滙豐好，因為滙豐好代表經濟翻生，依家撐佢都係出於一份心意，都唔好望可以從中撈底賺錢。」青姐指滙控現時第二大股東是中國平保（02318），內地絕對清楚如何令滙控股價再插水，假如真的跌價跌到殘，人人都對滙控死心時，陰謀論一點想，到時「爺吞象」也絕不出奇。
今集【焦點燃論】請來胡孟青（獨立股評人）、徐家健（美國克林信大學經濟系副教授），分析滙豐前途有幾壞，股價跌到殘又對誰最有利？
-----------------------------
-----------------------------
----------------------------