七十八歲的黃蜜蓮婆婆，年前曾中風，雙腳因骨質疏鬆常感乏力。獨居的黃婆婆，盼安裝平安鐘以防在家中跌倒失救，惟她無力支付有關費用。蘋果日報慈善基金已於「平安鐘專戶」撥款，資助黃婆婆裝鐘，讓她晚年有所依靠。

「年紀一路路大，身體又唔好，擔心有乜事冇人知，所以想裝番部平安鐘，至少唔舒服都有人幫我叫白車。」無親無故的黃婆婆，說出不少獨居長者心聲。

在香港沒有親人
一頭銀髮的黃婆婆，十七歲時在內地結婚，未幾丈夫因戰亂身亡，無兒無女的她，早年隻身逃難到香港，一直靠打住家工維持生計，及至十年前兩鬢斑白才退休。「守寡幾十年，冇親人喺香港，咁多年都係自己照顧自己，慣晒囉。」隨着黃婆婆年紀愈來愈大，病痛增多，她坦言開始有點力不從心。
黃婆婆患骨質疏鬆，雙腳軟弱無力，多次在街上摔倒，並曾跌斷手臂；另外，她患血壓高，膽固醇亦過高，年前曾中風，現時行動不便。「醫生話我屬於輕微中風，要長期食藥控制情況；嗰次出事好彩剛剛喺鄉里屋企，佢哋見我唔妥就送我入醫院，如果當時得我一個人，都唔知點算。」
多次意外令黃婆婆盼望安裝一部平安鐘，可是她經濟環境欠佳，難以自行負擔有關費用。黃婆婆晚年居於自置的舊唐樓單位，靠微薄積蓄及生果金過活，平日要克盡節儉。