【新增動新聞】
2015年因撞飛新民黨主席葉劉淑儀被網民封為「麒麟英雄」嘅舞麒麟師傅謝立元，今早再現身車公廟，並主動向葉劉攞利是。葉劉向呢位「老朋友」派發兩封利是後即場笑問謝：「你今年點樣舞法？今年啲舞步點啊？」謝聞言就回答：「依家就要舞入去囉！」

快啲嚟下載啦！果籽新春〈豬年貼籽-多豬慎入〉WhatsApp Stickers｜bit.ly/AppleseedSticker

今早謝師傅原來唔係親自舞麒麟，而主要喺麒麟旁邊控制麒麟走動方向，確保唔會再出現有人被撞飛情況，葉劉則大部份時間企喺麒麟尾部位置，唔再如2015年般企喺麒麟旁邊。

八方問過謝立元，佢話今年新年願望係身體健康、人人有工開同賺多啲錢，指自己過去一年過得不錯。佢話近年逢大初二都會喺車公廟遇見葉劉，感覺「無乜嘢，都係好似平時一樣」，冇因為撞飛葉劉事件留下心理陰影。而由於近年流程都係麒麟先入廟，佢相信唔會再發生撞飛事件咯。

10萬蚊 30人分！《動腦Q》新春Q多寶
年三十至初三 3:15pm、10:30pm
豬年動腦，Q多啲money！
http://bit.ly/2QW8LcI