同男友恩愛非常的泳兒，今年聖誕為男友準備了一份充滿爆炸性驚喜，原本在外地已揀好聖誕禮物，但因為有爆炸性而不能帶上機，最後惟有在港上網訂購，今晚她到會展擔任《2019愛心獎頒獎典禮》表演嘉賓，大會揀了她一首較早期國語歌《一天一天》作演出，她笑指收到通知時都要温習一下，因為有幾年冇唱，問到會否真的忘記自己作品？她說：「有時啲直播訪問，歌迷即時點歌，突然講啲歌名，都會發現自己唔記得，我其實短暫記憶係好好，助手同經理人都唔使擔心我唔記得，但N年前嘅事就完全冇印象，成日畀朋友同男友投訴，真係要學下打牌。」

近日忙於剪輯早前到瑞典拍的旅遊片，希望聖誕節時推出，但需時做後期，因為有一輯是講她到當地睇樓，所以想做好多資料入片中，加入呎數、樓價等，問到會否在外地置業？她說：「我有位喺英國朋友轉行做地產，我而家做佢隻白老鼠，睇下買唔買得成，我了解緊港幣五、六百萬單位。」

採訪：馬建華 攝影：沈健程

-----------------------------
《2019高級珠寶鑑賞誌》
點擊即睇過百款鑽飾名表
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇