地產多聲道：珀麗灣月租四千兼可試住
蘋果日報 2003/04/08 00:00
新開發嘅島嶼概念盤馬灣珀麗灣，舊年開賣嗰陣掀起嘅賣樓熱潮，記憶猶新。呢個戰績彪炳嘅樓盤，當日賣成三千幾蚊到五千幾蚊呎，有成萬人認購，有冇諗過呢個咁矚目嘅樓盤，今日唔使呎租十蚊雞就可以試吓住。
聽啲經紀講，個島有成二千五百幾個單位，唔少業主以為個島近機場，又係名牌發展商，租市應該唔錯。家陣大量租盤湧現，聽聞有成二百五十幾個盤，叫租由每呎九到十二蚊，未有肺炎事件前，每月平均都有二十單租務，啲一房單位月租四千八至有交易。
不過，聽講有個租客睇中第十七座四百八十呎影樓式單位，業主開價四千五蚊，租客還到四千二全包，佢都肯租，呎租唔使九蚊。重有三個月試租期，唔續租都得。都算係呢幾年大型新屋苑最平租囉，租值等於新界舊樓價，都算少見。
投資者趁淘大有病大殺價
九龍灣淘大花園交投俾非典型肺炎搞到冇啖好食，有啲租客怕中招搬走。香港置業分行經理蔡瑞揚話，啱啱成咗單觀塘麗港城，買家正係淘大花園租戶，喺獲政府批出置業貸款後，即刻四圍搵樓，上個禮拜六去麗港城，先後睇咗五六個單位，最後用158萬買咗一期十五座中層B單位，664呎，每呎2380蚊，屬市價。但個單位要一個月後先可以交吉。
這邊廂有人搬離淘大花園，但仍有人好勇，夠膽入市，不過起碼要平一成至制。美聯分行經理彭文浩話，一名投資者對佢講，危中有機，若果價錢夠平，都會考慮入貨，重話「怕死就唔係炒家啦！」
聽啲經紀講，個島有成二千五百幾個單位，唔少業主以為個島近機場，又係名牌發展商，租市應該唔錯。家陣大量租盤湧現，聽聞有成二百五十幾個盤，叫租由每呎九到十二蚊，未有肺炎事件前，每月平均都有二十單租務，啲一房單位月租四千八至有交易。
不過，聽講有個租客睇中第十七座四百八十呎影樓式單位，業主開價四千五蚊，租客還到四千二全包，佢都肯租，呎租唔使九蚊。重有三個月試租期，唔續租都得。都算係呢幾年大型新屋苑最平租囉，租值等於新界舊樓價，都算少見。
九龍灣淘大花園交投俾非典型肺炎搞到冇啖好食，有啲租客怕中招搬走。香港置業分行經理蔡瑞揚話，啱啱成咗單觀塘麗港城，買家正係淘大花園租戶，喺獲政府批出置業貸款後，即刻四圍搵樓，上個禮拜六去麗港城，先後睇咗五六個單位，最後用158萬買咗一期十五座中層B單位，664呎，每呎2380蚊，屬市價。但個單位要一個月後先可以交吉。
這邊廂有人搬離淘大花園，但仍有人好勇，夠膽入市，不過起碼要平一成至制。美聯分行經理彭文浩話，一名投資者對佢講，危中有機，若果價錢夠平，都會考慮入貨，重話「怕死就唔係炒家啦！」
𠵱家除咗買樓優惠多，租樓都有唔少着數。香港興業入伙冇耐嘅大嶼山愉景灣海澄湖畔二段，啱啱推出租務優惠，送全年船票半價優惠。公司發展及市務部總經理陳子明話，希望可以吸引更多外區客入住，推動愉景灣嘅租務同投資市道。
喺5月31號前租住海澄湖畔二段，可以用半價買六百程船票，計落慳到七千五百蚊。蘭西問過香港興業，佢哋話今次招租單位有五十個，包括低座、中座同花園洋房，全包由中座月租六千八起，到花園洋房六萬五千蚊起。若果租到個六千八蚊嘅單位，咁即係可以慳番超過一個月租。
發展商委託四家代理行做特約代理，分別係愉景物業、中原、美聯同利嘉閣。
非典型肺炎引起全港恐慌，睇樓客勁減，早兩個禮拜發展商都搞少咗記者會，上個禮拜差唔多淨係得長實玩晒。市場人士透露，今個禮拜會熱鬧啲，因為會多番發展商搞活動，重係豪宅盤㖭，不過要促銷嘅依然係貨尾，新盤就繼續潛水。
點解市場人士講得咁肯定，因為聽講有發展商已同地產代理傾緊搞宣傳。
近期爆發非典型肺炎，搞到發展商唔敢推全新一手樓，二手業主要賣樓亦難上加難，有業界人士就畀貼士啲二手業主，點至可以出到貨。首先當然係價錢啦！平過人梗係易賣啲，唔係都要合理。第二就係唔好心急，因為點都要等吓。最後就係畀多啲刺激代理，好似加佣金同獎金，其實𠵱家新界區一啲細價樓，業主佣金一般係2至3%，有啲重畀到4至5個佣，若再額外畀埋獎金，出貨機會自然大增。
蘭西
電郵地址：
一名租客購入麗港城單位，將遷出淘大花園。
陳子明話，海澄湖畔租務優惠，目的是希望推動愉景灣市道。
陳子明（圖）