韓國女團少女時代嘅允兒同任時完及洪宗玄主演嘅韓劇《王在相愛》噚日大結局，允兒呢兩日都接受唔同韓媒嘅訪問，當中提及日前與劇組及演員到軍隊中探望服緊兵役嘅任時完，允兒自爆有送贈少時嘅CD畀任時完，大讚任時完依然帥氣，允兒話因為任時完服緊兵役，所以冇得睇《王在相愛》，所以允兒就叫任時完唔使擔心，因為大家都鍾意佢個角色。

允兒笑言今次去探望任時完，認真大陣仗，事關佢哋成班人就喺群組內投票選定日期，之後仲要收集費用，一齊租架大巴，同時又購買食物，好似去大學時去旅行一樣，好鬼興奮。

另外，允兒又提到之前同少時成員上咗《認識的哥哥》節目，佢強調節目好明顯呈現少時平時嘅日常面貌，又指自己喺少時時會比較多說話一些，個人活動時就會比較安靜。