美國長青民歌樂隊TheBrothersFour前晚在灣仔會展開騷，全場爆滿，在笫一代成員BobFlick帶領下，樂隊4人以結他、低音大提琴及班卓琴合奏出《Greenfields》、《YellowBird》及《WhereHaveAlltheFlowersGone?》等經典老歌。
樂隊表示今年是他們入行50周年的紀念，很高興能夠仍然在台上演唱，又講普通話「你好嗎」向大家打招呼。之後樂隊再以天衣無縫的和音合唱出尊榮（JohnWayne）電影《TheAlamo》的金像提名主題曲《TheGreenLeavesofSummer》以及代表作《TrytoRemember》等，博得全場熱烈掌聲，會後更有500多名歌迷守候、攞簽名。

子淇父母捧場

剛出任亞視執行主席的張永霖、趙世曾與女兒趙式芝、葉德嫻等都有出席。徐子淇父母低調捧場，徐爸爸被問到子淇又大肚但不戒口，又着三吋高跟鞋，他說：「我已經話咗佢，叫佢要乖啲。佢身體OK，都好好，每晚運動散步，食嘢都正常，補品都係正常嘢，冇乜特別。」徐爸爸又指仍未知子淇腹中嬰兒是男是女。
採訪：黃珈楠
攝影：陳俊強