日本女星米倉涼子今日出席特備劇集《蜉蝣繪圖》嘅試映會，今次係佢相隔十三年再拍古裝片，佢話好唔慣做古裝人，被導演鬧咗好多次，尤其係佢一坐就好鍾意蹺腳，古裝當然唔可以，所以要控制住自己。不過，佢今次劇中拍檔山本耕史，就不停讚佢着古裝好睇，應該拍多啲古裝劇。

而一向有雙長腿嘅米倉，今日出席試映會當然唔放過機會晒美腿，佢着住條黑色短裙現身，不過，坐低時條裙就縮上去，好容易走光，搞到米倉要不停拉住條裙，笑都笑到好含蓄，唔知係咪驚動作太大的話會走光！