現年29歲的周柏豪與任職I.T時裝買手的女友Stephanie拍拖6年，雖然柏豪一直都將戀情保持低調，但二人其實早於大前年便開始同居生活；不但被柏豪認定女友正印身份，而且與柏豪家人的關係亦相當融洽，據知周爸爸及周媽媽亦已當正她是新抱。

前日（24日）大約下午4點半，柏豪與Stephanie、周爸爸及細佬一行四人現身於上環太平山街的一間佛具店，柏豪先與爸爸看擺近門口櫥窗位置的觀音像，其女友Stephanie則與男店主及一位女職員站在店內另一角落不斷傾談，Stephanie更不停向上望兼指手劃腳，原來Stephanie是給予店主友人意見，調較店內的燈光位置，而Stephanie與柏豪細佬亦全程傾不停嘴，儼如一家人。

當柏豪發現記者在場，即由店舖推門出來查詢記者身份，問他是否與女友拍拖行街？柏豪即說：「行吓街，飲吓茶啫！宣傳吓間舖啦！我朋友開嘅！」不過，柏豪最終在店逗留了約半小時便先行駕駛其過百萬吉普車離開，周爸爸見他突然離開也感錯愕，一度開其車車門向他了解，當柏豪開車離開，周爸爸、柏豪細佬便合拍地一個個離開佛具店，Stephanie則從友人店舖後門偷偷閃走。