陳志雲早排喺商台團拜透露今年大計，其中一個重點係重播商台經典節目，好似軟硬《老人院時間》，以及天王天后黎明﹑彭羚同郭富城嘅廣播劇等等，就連商台副主席俞琤嘅《六啤半》都有喎。

不過當年超Hit嘅節目，包括白韻琹《盡訴心中情》﹑鄭經翰《風波裡的茶杯》同陳海琪《海琪的天空》，竟然榜上無名，相當離奇。今日就有報道話因為呢三位名嘴，曾傳出同俞琤有過節，所以就算節目幾經典，都難逃禁播命運，而白姐姐就鬧爆俞琤小器兼專用自己友，佢話：「有俞琤一日，商台都冇好日子﹗」哇﹗鬧得好激﹗