今晚部份參戰馬於今朝（周三）仍有露面踱步，當中有隻馬更加係由主策騎師親自加課，而呢位騎師並非別人，正是紅人莫雷拉，佢在機坪及內圈親自替今晚第五場「百戰百勝」踱步備戰，亦係他全朝在內圈唯一操練之馬匹，重視之情顯露無遺。此駒上仗配杜利萊走大外叠蝕位下仍能追入一席，換上莫雷拉壓陣，加上今朝罕見之晨課動態，今晚確有優先留意必要。