韓劇《她很漂亮》嘅33歲女星黃靜茵，前年2月嫁CEO老公李英敦做人妻後，於去年8月誕下男B榮升幸福一家三口，不過黃靜茵就專心湊仔，未有拍新作。而黃靜茵日前又更新Instagram，寫道「旅行，2018,2,14，回憶」，並加上心心符號，唔通係同老公二人世界出遊？

而黃靜茵所屬事務所上月中喺官方Ig預告黃靜茵產後復工，令粉絲大感期待，今日韓國方面有報道，指黃靜茵有望與韓劇《金科長》嘅39歲男星南宫珉合作，拍攝SBS新劇《勛南正恩》(音譯)，係黃靜茵繼《好運羅曼史》後事隔兩年再拍劇，亦係佢與南宫珉繼2011年嘅《能聽見我的心嗎？》再度合作。至於黃靜茵所屬事務所就表示「正積極討論中」，似乎演出機會都好大。

《勛南正恩》預計5月首播，將講述因為對戀愛夢想破裂而成為不戀愛主義者嘅勛南，喺幫助正恩嘅戀愛時學懂真正愛情並搵到真愛嘅故事。

更多韓流，喺晒《娛果》
http://fb.com/appledailyent