如果7.1去咗遊行,錯過咗保皇黨提供嘅購物優惠,唔使擔心,樂施會喺怡和大廈嘅商店,提供仲筍過當日米蘭站嘅優惠,仲可以扶貧救災,幫助貧窮人士,由今日起至周六售賣由各方送來嘅捐贈嘅物品,包括過百個手袋、過百對鞋,全部以半價或低於半價售出,包括LV、Gucci等噏得出嘅大牌子,目標籌得20至30萬。活動噚日揭幕,樂施大使趙雅芝捐咗對Chanel黑色晚裝鞋,現售1,500蚊。樂施會董事會成員梁愛詩就冇捐,可能老人家鍾意收藏。記者噚日追問佢點睇張曉明嘅筲箕論,佢話唔擔心「筲箕方案」會失咗泛民支持,叫大家做多啲實際嘢喎,又一如以往借場合唔方便回應做擋箭牌。至於近日佢被華潤電力小股東入稟控告,佢就一句都唔答。