當年今日
關於我們

【上節目倒奶趴地】濱崎步大理石打造豪華新居 遭網民偷拍嬲到報警

蘋果日報 2017/07/04 07:30

濱崎步

38歲嘅日本女歌手濱崎步近期忙於開巡迴演唱會,佢亦難得亮相當地綜藝節目,早前佢受訪時被指晒命,自言豪宅要由五個工人幫手打點,而聽晚播出嘅另一節目,步姐又公開豪華新居,由牆到地板都係大理石鋪成,而節目更安排步姐伸手入箱玩遊戲,殊不知禿頭諧星齋藤司從枱底從箱內探頭而出,手感令步姐嚇到花容失色,更驚到立即倒奶趴地,十分誇張!
講開步姐新居,原來近日有人到非法闖入其香閨範圍進行拍攝,更於網上公諸於世,搞到受侵犯私隱嘅步姐當堂嬲嬲豬,唔止公開對方嘅Twitter帳戶,更表示已經報警求助,揚言寓所仲有家人同住,表示已超越咗容忍極限。