今次反對逃犯條例修訂料是佔中九子4月9日面對判決前夕的最大型遊行，九子中的社福界立法會議員邵家臻、佔中發起人戴耀廷、社民連黃浩銘等亦有上街，邵家臻直指今日遊行可能是他坐監前參與的最後一個遊行，「我都係想用最後嘅一個機會、最後嘅一分力，去話畀人聽，今次修訂逃犯條例，真係比23條立法更加兇狠；立到法的話，真係唔需要23條」。

威權政府治下，邵家臻稱對於自己入獄已無甚懸念，希望港人不要以為今次佔中九子「找數」後，香港就會有安樂茶飯，呼籲港人必需盡力守住香港僅有的核心價值；今次亦以最後力氣呼籲港人阻止修例，「香港人唔好慣咗，唔好預咗輸，如果我哋真係要坐監嘅話，我哋喺監房裏面，我哋都好想見到大家上街」。

戴耀廷則指，《逃犯條例》修例嚴重影響香港法治，令香港和內地差異極大的司法制度連成一體，消失了「一國兩制」下香港和內地的區隔。戴稱，自己即使判決在即，一直亦有參加遊行發聲，「我覺得值得嘅，（因為）同香港巿民一樣，都係想香港有個民主法治的社會啫」。

黃浩銘則指今次修例對香港影響極大，「我希望關注佔中九子案的朋友，都可以同樣關注我哋越來越收緊嘅自由，唔好灰心，繼續撐落去」；雖然判刑在即，但黃目前心情平靜，亦希望港人在目前不平靜的政治環境下，有平靜的心和堅毅的鬥志迎戰將來。

「七警事件」主角曾健超今日也有參與遊行，他稱無法接受是次修訂，批評政府不要「當香港人係傻嘅」，巿民根本對內地司法制度沒有信心，大家都擔心內地會以不同藉口來捉拿反對者；又稱法律界已駁斥法庭會把關這個說法。他慨嘆，香港這廿幾年以來一步一步失守，不想看見香港再惡化下去。

-----------------------------
免費訂閱《蘋果動新聞》， 無懼霸權橫行！立即登記！
https://hk.adai.ly/bXz2v29BrV
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/veCxssynnV