開鑼日賽程中，三班1200米可算係最利上名後再出馬，已連續六季有馬匹跨季打叠上名，而且更五次串Q而回，對上兩季仲包辦埋三重彩，證明在上季尾有開表現嘅馬值得優先留意。其中容天鵬上季開鑼就有「永同天下」以新上名馬身份在同班同程入Q，今年練者可憑「手到拿來」故技重施，此駒轉投容廐後11戰未失獎金，共獲三冠三亞兩季及三次第五，包括上季一出即勝田草1200米，證明本身擅跑新鮮，馬主已透露會在開鑼日三班同程上陣，有力成為容廐開齋馬。