【小姐邊位?】松井玲奈走樣拍新片變「牛太」
蘋果日報 2017/03/05 09:30
松井玲奈SKE48
- 松井玲奈（右）與新川優愛新片《女神》，喺宣傳照入面佢嚴重走樣。
- 《女神》將於6月在日本上映。
- 松井玲奈以前拍水着時好索。
- 牛太由韋以茵飾演。
【更新內容】現年25歲嘅SKE48前成員松井玲奈自前年畢業離隊之後，主力拍劇與電影，而佢主演新片《女神》已定於6月10日於日本上映。
戲中松井玲奈於職場被欺凌，又被母親過分干涉生活，人生陷入絕望甚至諗過自殺，直至遇到曾與佢有同樣遭遇嘅「治療師」新川優愛，其生活先開始有改變，玲奈好崇拜新川優愛，不過呢個時候佢哋關係開始起變化。
電影公開咗首張宣傳照，見到玲奈與新川優愛以相同打扮排排坐，張相見到玲奈眼腫腫，塊面又冇乜肉，嚴重走樣，似乎係要為角色犧牲靚樣。睇真啲，玲奈喺新片個樣仲有幾分似《香港八一》至《香港八六》系列入面嘅「牛太」o添！