【新增內容】
毛記腦細林日曦下月2日起假九展Star Hall舉行10場「林日曦細聲講：半厭世」talk show，門票今早正式公開發售。事前林日曦接受《蘋果》電話訪問時表示仍未知國安法是甚麼，所以只能夠表示無得驚，將自己寫好的稿在騷上繼續講。

於中午時份，林日曦於IG宣佈門票於個多小時內全部售罄：「感謝大家陪我癲，十場滿座了，因為我不嬲冇好似其他show咁，hold起大半飛畀sponsor（因為我冇搵sponsor），九成公開發售，我原先以為已經好夠飛，但最後1個鐘頭多啲已經十場賣哂，係有少少出乎我意料。」

對於不少觀眾表示買不到門票，林日曦也有顧及觀眾感受：「畀少少時間我，計一計數，睇下加唔加場，如果加場加幾多場、宣傳做唔做得切，仲有冇人會買……等等。唔一定加，但亦有可能加，要考慮好多嘢。畀少少時間我，再次感謝大家咁趕急都陪我癲，下星期見 #林日曦細聲講半厭世」。

花了五個小時，林日曦終於計好盤數，並再次於IG貼文「首先我要再次感謝你哋 係咁趕急嘅情況下都義無反顧咁樣陪我癲 加場都要成本的 但我講過盡可能都想支持我嘅人買到飛 非常掙扎之下唯有加多三場 你班人 成日話一定爆一定爆 你知唔知我每次都係放足9成飛出街賣 如果依3場加場賣唔哂 你哋同我當場食晒落肚（呢張係我幾個月前影嚟諗住做優先訂飛嘅海報）」

加場購票詳情：

《林日曦細聲講：半厭世》
Lam1Hey SmallTalkShow 2020 WhatATerribleWorld

加場門票將於6月26日(五)早上10時起於 快達票 公開發售

演出日期：2020年7月2至11日
演出場地：九展Star Hall

首10場售罄
現加開3場：（共13場半空半滿限聚場）
7月10日 (星期五) 8pm
7月11日 (星期六) 3pm
7月11日 (星期六) 8pm
票價：HK$480 / HK$580 / HK$680

＊因疫症關係，全場只出售一半數量座位
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新