周四（20日）朝排位最後試跑，快操馬仍多，積極做工夫的有羅、苗、姚、何及沈廐，至於葉廐馬除「深愛」外，剛星期二（18日）操了的馬全數相隔一天又快操，動態不尋常。

前冠軍練馬師葉楚航上季第四個賽日才憑「紅星」開齋，今季跑畢第四個賽日已取得三Win，明顯攻勢更急進。

今戰（22日）葉楚航派出8匹戰馬參戰，《蘋果馬經》晨操專家積奇頗為喜歡幾匹葉廄馬的晨操狀態。

除頭場「勁飛寶寶」落腳輕爽及身靚神態活躍，以及第八場「霸勝」馬身紮實，大步走過甚輕鬆外，第四場「放馬過來」何澤堯跳兩段，沿欄按住順走，時間唔快，積奇覺得馬身喼得靚，過步暢順有力，表現淡淡定，熱身後勇況續添。

「放馬過來」上季曾在三班賽事贏馬，其後七次轉戰谷草皆未能上名，或許是場地性能問題。

上仗熱身跑田草1200米追勢甚佳，開氣後增程跑1600米絕對有力交出進步表現。