喺韓國賣座電影《屍殺列車》中飾演深情大隻佬嘅47歲馬東石，前年認戀年輕17年嘅索爆女友芮正花，兩人因為同公司加上有共同興趣，所以很自然地成為戀人。而芮正花屬健身教練出身，擁有完美身材，唔少人都羨幕馬東石有位索女友。

外表好似粗粗魯魯嘅馬東石，其實內心好溫柔，同埋亦都好錫女朋友。雖然二人拍拖就好低調，但馬東石會喺行動上撐女友，好似之前女友就上咗節目，馬東石就特別打電話去打氣，當場搞喊女友。至於馬東石嘅Instagram更擺明只愛女友一人，事關馬東石嘅Ig只關注一個人，而嗰位就正正係佢女朋友，可見佢時時刻刻都好關心女友，認真情深。

精選韓流，喺晒《娛果》
http://fb.com/appledailyent