電視風雲一石擊起千重浪，被捲入呢件事上面，就有曾志偉，佢之前就因為作為演藝人協會會長，喺王維基嘅HKTV不獲發牌事件上面，同其他香港導演會十大屬會意見唔一致，未有代表幫忙業界或聲援，事後志偉表示喺事件上做得唔夠完美，並辭去演藝人協會會展一職。

事後志偉多次在電台表明自己立場，話個人唔太支持王維基，話佢太草率，惹來市民狂轟，事後老友譚詠麟力撐話:「有多少人會明白志偉感受？！！」呢件事上面，最撐志偉好似真係得譚詠麟一人，噚晚佢更加同克勤及一班老友特登去同志偉食飯散心，佢話:「昨晚我們一班好友等候志偉和他吃開心飯！」之後仲回應:「志偉無職一身輕，食都特别易入口！」