今晚（15日）煞科夜係本地薑蘇狄雄（洋名Ben）嘅掛靴戰，2012至13年度馬季嘅煞科夜，Ben策1.9倍一面倒大熱門「勁飛翔」贏出當晚尾場三班1650米，令葉楚航首奪練馬師冠軍，呢場賽事成為香港賽馬史上其中一場經典賽事。

Ben掛靴在即，呢晚尾場二班1200米亦有份上陣，目前排練馬師榜首嘅姚本輝提供「鞍歌」，阿Ben會唔會再次成為「造王者」呢？

Ben自2008年出道以來，同輝哥合作唔算多，呢十幾年加加埋埋只有54次，取得三場頭馬，對上一次一齊行入凱旋門已經係2012年2月22日嘅「中國動力」，巧合嘅地方喺嗰場又係谷草1200米。

「鞍歌」初配阿Ben亦有一段故仔，「鞍歌」上場出戰二班1200米（總場次768），喺潘明輝胯下跑獲殿軍，輸畀今場亦有份角逐，呂廐嘅「勝利風範」一個馬位，幕後有意以原裝配搭報跑今場，再次同後駒周旋到底。

豈料航哥更早一步聯絡潘明輝，邀請佢出策同場「競技勇士」，「競技勇士」喺總場次768只獲第六名，表面上冇乜威脅，但隻馬喺黃俊胯沿途留後，入走路後越衝越勁，交出全場最快嘅22.74秒，走勢吸睛。

似乎「競技勇士」喺二班絕不輸蝕，所以「火車潘」收到航哥電話後立即應承，蘇狄雄亦因此獲得「鞍歌」嘅帥權。

「競技勇士」由見習生換上近期手風唔錯嘅本地大師傅，加上只負113磅輕磅，絕對係一路奇兵，但「鞍歌」今季表現忠心，今季亦試過喺同班同程獲一季一殿，有力為Ben嘅騎師生涯劃上完美句號。

撰文：林湛穎

-------------------------
邊個話財不入急門？
需要周轉嘅時候幫到手，先叫做應急囉！
邦民日本財務急你所急，只需要一個手提電話號碼同一張身份證 ^# 就可以申請貸款。
新客仲有迎新現金獎高達HK$3,500 ^▲ 添！
貸款額全數過戶，絕無手續費。
立即申請 : https://bit.ly/2ANcJlS

須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1140/2019
查詢及投訴熱線：3199 1199