昨日市跌勢持續,先升後回,恒指全日收市下跌347點,雖然成交未算太弱,但嘉賓亦不看好昨日公佈業績的港交所(388)。
碩:亨達集團研究部董事黃敏碩
彭:荷蘭銀行私人投資產品部助理經理彭敏惠
孫:主持孫柏文
孫:港交所公佈咗業績,究竟佢可唔可以守得住100蚊呢啲位?
碩:佢業績受只有平均600億左右嘅成交額影響,另外好多金融機構要撇賬,因此都有可能要沽售番港交所股份,佢前景又不明朗,股價短期有機會被質,下試100蚊以下水平。
彭:衍生產品都睇到成交縮咗好多,原本港交所上年講增長動力來自拓展衍生產品,但係今年因為市況唔就,衍生產品成交都幫助唔到佢業績。