二人男子組合Shine日前接受網上節目訪問，主持人森美分別向兩人刺探拍檔的戀情，訪問中黃又南守口如瓶，相反徐天佑卻出賣好友，暗指又南戀上圈中一名喜歡笑的女歌手，恰巧早前又南與Twins成員蔡卓妍（阿Sa）傳緋聞，莫非阿Sa真是又南心目中的暗戀對象？

二人組合Shine日前接受now.com.hk的《森美帶你遊花園》節目訪問，身為主持人的森美利用旁敲側擊的方法，分別向兩人刺探拍檔的戀情。

處處維護死黨
首先是又南的單獨訪問，被問到拍檔天佑喜歡的人是誰時，又南守口如瓶，更處處維護死黨，他笑說：「我冇問㗎，大家男仔真係少講，如果拍拖我都唔知咁就大鑊啦，基本上佢都冇時間拍拖，我成日煩住佢。」
相反天佑卻在訪問中大爆又南的暗戀對象，更暗指對方是一位圈中女歌手，所形容的與Twins的阿Sa頗為脗合。原本天佑在訪問中說：「佢（指又南）冇拍拖，我都冇。」森美聞言即騙他說：「佢有同我講喎，嗰個歌手嚟㗎，成日笑嘅，佢真係講咗個名㗎！」天佑隨即說：「佢鍾意咗個女仔，但係大家係朋友關係囉，係圈內嘅，不過冇發展。」其後森美自爆又南並沒有承認此事，天佑即心知不妙，他笑說：「我好驚呀！總之係就講，我唔怕嘅！」

讚天佑夠堅決
此外，Shine兩位成員被問到會妒忌對方甚麼地方時，天佑說：「人緣啦，交際我唔係幾得㗎。」而又南則對天佑為人堅決相當欣賞，他說：「有好多嘢，好似彈琴咁，天佑會自己由唔識練到識，真係好堅決，唔可以話係妒忌，係欣賞囉。」