陳浩民大陸妻蔣麗莎（Lisa）熱愛網上分享，早前豪宅喺打風嗰陣變「水舞間」，佢都有同網民開心share，之前去超市買雞肉有蟲，活蟲仲郁吓郁吓(新聞連結： http://bit.ly/2xm65yR )，咁蔣麗莎似乎與蟲有緣噃!

有讀者今日報料，Lisa前日喺facebook貼出一段十幾秒嘅短片，原來佢去咗旺角某商場一間泰國餐廳食嘢，叫到成枱食物，片中顯示夾起咗一條菜，見到有條白色小蟲喺菜上捐嚟捐去，好生猛吓喎，唔怪得Lisa留言：「驚險活體。」

Lisa其實去年都試過喺超巿買一包雞肉，佢準備洗淨後煮嚟食，卻驚見雞肉內有爬行小昆蟲，一樣係好生猛行嚟行去，Lisa當時有拍片放上網，佢留言鬧爆話：「超市太惡心了……有活蟲子在雞肉裏面來回爬！」網友留言回應：「連蟲也會吃的菜，證明菜絕對新鮮不含農藥！不過說真的，現在的菜很少有菜蟲，是因為農藥太勁！始終有蟲比沒蟲好……」睇嚟Lisa都同「小昆蟲」好有緣噃。