當年今日
關於我們

隔牆有耳:傑哥出走美加 - 李八方

蘋果日報 2007/09/11 00:00


陳太宣佈參選在即,盟友梁家傑就決定嚟緊星期日去美加訪問,以左派陰謀論分析,仲唔係去搵外國勢力介入香港問題。
傑哥噚晚約咗班傳媒老編食飯,叫大家唔好用呢啲邏輯諗嘢,實情係傑哥年頭參加特首選舉,事後有美國嘅智庫同研究組織,邀請佢去花旗國行吓。傑哥此行會向不同團體演講,之後就去加拿大接受傳媒訪問,題目係香港嘅民主化,同香港作為廿一世紀中國現代化城市可以對國家起乜嘢作用。傑哥強調,今次只係民間活動,唔會安排同美國官員見面。
喺要為陳太拉票嘅時刻行開,傑哥話,眼見國際、尤其係華盛頓嘅傳媒越嚟越少關於香港嘅報道,於是過去介紹吓,等傳媒對香港多番啲興趣。