家吓經濟唔好，咁嘅環境無必要就唔消費，即使花錢都要見到減價先出手。好似嚟緊父親節，都要請老豆食番餐飯，家大把食肆揀，邊間平就食邊間。好似鴻星集團都要賣大包，喺父親節消費$1,000蚊送$720。吓，變相3折咁着數，真係賤物鬥窮人。

鴻星Cathy話，客人即日至19日喺指定DiningClub餐廳包括「炉端金」、「錦丼鮪專門店」、「燒肉牛蔵和牛專門店」、「八重櫻鍋屋」、「金饍韓國料理」、「一起．金饍」堂食消費滿$1,000或以上，就會送出價值$720鴻星中菜乳豬全體禮券。請爸爸食完日韓父親節大餐，再帶佢到鴻星中菜享用鴻運乳豬全體，感受雙重禮遇。仲唔冧到爆。

Cathy話，如果喺6月17至19日光顧燒肉牛蔵和牛專門店，或金饍韓國料理既父親節套餐，再有減價；燒肉牛蔵和牛專門店推嘅父親節刺身和牛套餐，包括拖羅、油甘魚刺新、帶子壽司、天婦羅、和牛牛小排等，每位原價$472，優惠價$428；另外「金饍韓國料理」父親節套餐就有鐵板大虎蝦、韓國醬汁牛肋骨、醬燒雞腿肉等，4位用原價$1,688，優惠價$1,580。

費清算到盡，食滿$1,000送$720乳豬全體禮券，如果人多食夠$2,000，既然係食套餐，精明啲分開兩張枱拍住旁邊一起食，送夠兩張。

張乳豬券只要下一次幫襯，消費滿800蚊就可以用一張，Cathy強調乳豬券背面會列明使用條款，顧客有咩問題，可以問下職員。

費清＃要生計，也要生活＃毋忘初衷