千奇唔好誤會以為睇緊墳場新聞，只不過呢位受萬千貓奴膜拜嘅喵星人，以另一種形態同粉絲再見面，而且仲吞埋佢哋落肚㖭。

根據《朝日新聞》報道，喺和歌山縣和歌山市嘅「伊太祈曾駅」前面嘅空地，近日擺放咗一個巨型嘅充氣貓公仔，造型同小玉一模一樣，仲坐喺一架列車上面，成個公仔高七米，闊四、五米，最特別係小朋友仲可以走入裡面玩。喺網上圖片見到，啲幼稚園小朋友，可以喺入面跳嚟跳去，又可以透過透明貓腳，同外面嘅大人打招呼㖭。

其實，呢個都係和歌山電鐵紀念小玉嘅活動之一，電鐵日前都喺「小玉電車」舉行寫真特展，展出小玉由2007年1月上任起8年間所拍攝嘅43張照片，畀一眾貓奴懷緬小玉昔日風采，將展出至11月4日。

小玉部下「二玉」其實已經繼任「小玉二世站長」，貓奴可以根據官網公佈時間探吓佢。

如果想睇吓巨型小玉嘅短片，可以去官網:
http://www.wakayama-dentetsu.co.jp/president/150919.html

費清＃要生計，也要生活＃毋忘初衷