日本組合SMAP解散半年，香取慎吾、草彅剛及稻垣吾郎日前亦已決定9月8日約滿尊尼事務所後離巢，而日本Oricon銷量榜近日總結2017上半年成績，SMAP除去年底推出嘅精選碟《SMAP 25 YEARS》成為上半年大碟銷量榜，佢哋嘅唱片及DVD等影音產品銷量亦冠絕總銷量榜。

SMAP去年底推出嘅精選碟《SMAP 25 YEARS》錄得116萬張銷量，成為大碟榜冠軍，係佢哋自2001年嘅《Smap Vest》以來，再有大碟衝破100萬銷量。同時，SMAP亦憑唱片及DVD等影音產品銷量共達至86.7億日圓（約6.08億港元）於總銷售量榜冠軍，其後分別是組合嵐及AKB48，所錄得嘅62.1億日圓（約4.35億港元）及44.4億日圓（約3.11億港元）。