【煽風點火】科蘭撐卡雲尼 鬧爆丹尼爾大細超
巴黎聖日耳門法甲PSG丹尼爾尼馬卡雲尼科蘭
上周法甲,巴黎聖日耳門(PSG)鬧出尼馬同卡雲尼爭射12碼嘅風波,卡雲尼嘅前烏拉圭國家隊隊友科蘭,就出聲撐佢,鬧爆尼馬同介入呢件事嘅丹尼爾。
科蘭接受烏拉圭電台訪問時話:「卡雲尼值得受到尊重,因為佢呢幾年幫PSG立咗好多功,射入過唔少波,之前亦係佢主射12碼。如果對方唔係卡雲尼,係美斯嘅話,咁尼馬一定唔會爭住射,佢當時就好似一個細路咁係度嘈喧巴閉。」
呢位前曼聯及維拉利爾前鋒,之後又批評事件中走去搶波畀尼馬嘅丹尼爾:「尼馬同卡雲尼呢件事,好多球隊都會有,但唔合邏輯係丹尼爾嘅舉動,佢將呢球波特登交畀尼馬,就好似佢係尼馬嘅b**ch(婊子)一樣。」
PSG周六作客蒙彼利埃,未知卡雲尼屆時與尼馬會否在場上貌合神離。