已經71歲嘅日本名導北野武，日前宣佈會在本月離開効力30年、由佢有份開設嘅「Office北野」事務所，有指北野武其實係同搭上多年嘅情婦另起爐灶發展新公司業務。由於事出突然，不少圈中人也感到意外，事關北野武同另一股東森昌行早在30年前年開設「Office北野」，亦有唔少跟北野武搵食巳嘅藝人都同屬旗下，北野武忽然離巢，對事務所造成重大衝擊。

北野武現時有6個主持嘅固定節目，而佢噚晚就如常亮相直播節目《新.情報7days》，北野武都有在螢光幕首次回應，並提及今後發展，佢稱4月起一切如常，工作唔僧增加或減少，北野武打趣話：「或者由導演轉做AV男優吧！」佢又話想拍印度片進軍寶萊塢，杜拜係佢想拍戲嘅地方。北野武自爆為「Office北野」貢獻多達幾億日圓嘅金錢：「我唔係開玩笑，我連退職金都冇攞到！我呢，可以攞到3億日圓o架！」同時，佢班北野幫弟子則會繼續效力「Office北野」。

精選娛聞，喺晒《娛果》
http://fb.com/appledailyent