世界盃今日開鑼，首場係俄羅斯VS沙地阿拉伯，俄羅斯到底會唔會有主場之利，可以先拔頭籌攞個靚彩。今屆世盃，《蘋果》邀請咗星級估波團，每場重要賽事前，佢哋會用自己一套方法去分析，同球迷一齊估波膽。

俄羅斯VS沙地亞拉伯
2：0
黃夏蕙：因為俄羅斯主場，有好多fans，同埋佢點都好過沙地亞拉伯嘅，照我睇，應該係2比0。

1：2
八両金：呢場俄羅斯對沙地亞拉伯，好多人忘記咗以為自己喺屋企，打交一定贏，未必嘅，有時啲嘢分分鐘輕敵，咁就輸波。所以我買爆冷，沙地亞拉伯可能贏2比1啦。

1：1
林作：俄羅斯貴為東道主，但佢班波暫時嚟講就幾弱嘅，以我所知佢得兩個球員喺海外頂級聯賽度踢波嘅啫，其他全部都係本地薑。俄羅斯聯賽近年實力上升，但講真都唔係真係咁勁，最近往績都麻麻地。咁所以我唔係好睇好佢哋。東道主有佢哋嘅優勢，但其實壓力都大。沙地亞拉伯基本上係亞洲之王架嘞，亞洲之王對歐洲三流波，我自己覺得會打和，我諗1比1。

2：0
俄仔Ansheles：如果要我用logic去估，我梗係話沙地亞拉伯會贏俄羅斯，但如果用我個心講出嚟，我梗係講俄羅斯嬴，2比0，俄羅斯人完全唔識打足球，佢係我國家，一定要支持佢哋。

一網睇盡
足動世盃 直擊俄國最前線
https://hk.feature.appledaily.com/worldcup2018/