Benson形容，北上示威就像踏進一個未知的世界，「冇辦法確定警察會點對付我哋，太多唔肯定因素，所以有啲驚」。旺陽寃案激起港人義憤，但在內地幾近消音，很多邵陽市的居民對旺陽所知不多。「好可能開始幾分鐘就俾人拉，訊息未必真係帶到畀內地市民，但起碼令更多香港人關心中國民主」。
偏向虎山行，是否「博拉」？Benson答：「今次好有計劃，知道自己做緊咩。我哋有必要將香港人呢份悲痛、徹查真相嘅訴求帶上去。就算俾人拉，起碼令更多香港人知道中共點樣打壓民間運動。」
先頭部隊還有80後社運人陳詩韻，昨日同告失蹤。出發前，她買了幅風景畫，在畫後塞了李旺陽的黑白遺照，預備在邵陽市展示。不願上鏡的她說：「我好想親身多謝李旺陽先生。」「咁多年來，佢每日都承受酷刑，我諗我一日就會妥協。」她希望成為旺陽的火種，由香港燃燒到內地，早有被沒收回鄉證和扣押的準備。詩韻深信，香港市民對旺陽的悼念，會成為推進中國民主社會進步的契機。
另外兩位熱血青年，是理大學生黃佳鑫（Sam）和中大政政系的尤思聰。Sam從不相信「河水不犯井水」論，「內地每分每秒都影響緊香港，大家生命連成一線。」他也期望藉行動「警告」胡錦濤：「香港人對內地不公義唔會視若無睹，行動一定會陸續有來。若然未報，時辰未到。」阿聰則很想「做一啲以前未做過嘅行動，可能未必有內地傳媒報道，但係能力範圍做得到，就應該做」。
《蘋果》記者
七一為乜上街？請到蘋果日報facebookfanpage投票吧： http://www.facebook.com/questions/10151071597587448/