巴塞隆拿球星美斯今日就會喺阿根廷家鄉羅沙里奧，同女友安東莉娜拉埋天窗啦！呢件天大喜事，美斯嘅巴塞死黨梗係拉隊捧場啦，其實美斯唔經唔覺效力巴塞一隊已經14個年頭，並肩作戰過嘅隊友多到數唔晒，睇吓前巴塞後衛佩奧爾上載至社交網站嘅呢張相，你又認得幾多個巴塞名將？除咗佩奧爾伉儷，而家仲係美斯隊友嘅有布斯基斯同佐迪艾巴，前排3大名將仲有法比加斯、沙維同伊度奧，回憶返晒嚟！

呢張相啲熟悉面孔唔難認，咁另一張有美斯亮相嘅，你又認唔認得隔籬嗰兩位？答案就係前巴塞門將荷西賓度，以及昔日巴塞兼阿根廷「雙料隊友」、後衛米列圖啦，右邊嗰位就係美斯老友兼團隊成員Pepe Costa。