【本報訊】梁振英昨在立法會答問大會主動提到，今日20歲的年輕人，10年後要住在新界東北、現時的幼稚園學生，30年後是住在新填海區，更表示願意將特首粉嶺別墅交出納入東北發展。但立法會議員及多個團體都批評其說法，「10年後住東北嘅人山長水遠去市區返工，30年後野生海豚全部消失得番海洋公園有得睇」。
梁振英甫開場便主動提到上周公佈的新界東北最終方案，是發展新市鎮的「重要里程碑」；又自誇是摒棄「短期思維」為未來2、30年作長遠籌謀。今日20歲的年輕人，10年後成家立室養兒育女，屆時居住單位來自新界東北新市鎮；今日的初中生20年後家在新界北，現時的幼稚園學生30年後家在新填海區，是政府推動長期土地供應的目標。
工黨議員張超雄質問「當你招呼你有高球會籍嘅朋友、地產商喺你別墅飲香檳、燒烤，隔鄰嘅村民就要摧毀家園你有乜嘢感想？」梁振英否認，稱如有需要，「十分願意向政府提出，將粉嶺別墅納入整個新界東北的發展範圍內」。

新民主同盟范國威批評，「佢拎個別墅出嚟只係政治化妝，賊喊捉賊，邊個搞到村民同其他人對立大家都好清楚」。
學民思潮成員林朗彥指，成家立室是種利誘的講法，「推民生做盾牌」，「我哋睇到嘅唔係10年後有冇樓住，而係發展計劃本身唔公義、不民主，年輕人應該以公義行先」。
環保觸覺發言人譚凱邦表示，梁振英的說法反過來看，其實是「10年後住東北嘅人要山長水遠去市區返工，20年後住新界北嘅人要去深圳返工，30年後大家唔會見到野生海豚」。