當年今日
關於我們

【「要添2個新baby」】太太懷孖胎?陳浩民:美麗嘅誤會

蘋果日報 2016/01/01 06:00

蘋果陳浩民即時蔣麗莎

陳浩民與太太蔣麗莎五年抱四,仲記得去年九月,傳出太太再度有喜懷第四胎時,浩民以美麗的誤會否認,其後先大方承認家中添新成員係B女,剛踏入元旦無耐,太太Lisa於微博上載一家照片並留言:「2016年新年快樂,新的一年家裡好事,喜上加喜,馬上要添2個新baby…祝願大家身體健康,萬事大吉。」所指的2個新Baby,唔通又係懷有雙胞胎?

今日本報致電浩民,佢係電話中否認話:「真係美麗嘅誤會,大家留意相中仲有另一家人,係我老婆個弟婦又係今年生,所以話2個新Baby,唔會無啦啦變孖胎啦。」浩民透露細女預產期係今年四月,已經作好一切準備,改名方面就令大家好煩惱,要搞盡腦汁去思考。今個除夕同元旦,浩民專登請假返港同家人共度,佢話:「我哋喺屋企食飯慶祝,天台睇煙花,街上太多人,留係屋企好啲,過幾日我會返內地工作。」