周日（23日）晨課，提早進行最後試跑之夜賽戰馬相當多，分別來自丁、羅、沈、何、賀、東及麥廄，好有睇頭。

「六爺」羅富全部署學足師傅蔡約翰一樣，非常慢熱。開季至今5場賽事只出15匹馬，但已取得1冠3亞1季，成績相當不錯。

周三（26日）羅廄雖然只有2匹戰馬，但兩匹都有不錯機會。今日兩匹皆有出圈跳，《蘋果馬經》晨操專家積奇亦對牠們的狀態有不錯評價。

「極速駿馬」跳兩段，戴頭罩，時間唔快，旨在輕抒腳頭，質新馬情緒越見穩定，拼後保持好進度。

「勁無比」跳兩段，戴頭罩走中檔，勝後休息足夠，馬身飽滿，末段加速，墜手有暗勁，狀態持續見好。

「勁無比」上仗在沙田以大熱門身份輕鬆取勝，今次馬匹升班轉到快活谷作賽。其主動跑法窄場急彎應有微利，但由於牠今仗只負114磅，因此將會換上史卓豐執韁。

史卓豐在剛剛沙田賽日起孖，手風正順。今次又執到實力座騎，且看能否延續強勢。