中國國家足球隊喺上星期嘅中國盃，被威爾斯狂數6:0，一班內地球迷就梗係跌到一地玻璃啦，不過有內地網媒就爆出，國足今次大敗係因為有上海上港嘅國家隊球員買重咗自己隊波輸，有打假波之嫌咁話喎！

日前有網媒係微博上載咗上海上港門將顏駿凌張相，仲貼文話手握呢位27歲門將投注賭波嘅證據咁話，不過所謂嘅「證據」最後都冇公開。而上海上港就隨即發表聲明指經過調查後證實有關嘅言論不實，要求相關人士道歉，仲話會保留追究權利㖭！

其實有好多內地媒體都已經指出，國足嘅實力同世界水平仍然有明顯嘅差距，大敗一場咪當上咗一課囉，唔駛搵借口嘅！

--------------------
永不獨行！利物浦 FC 當季球星降臨《BFB》！立即帶領紅軍，創造新輝煌！ http://bit.ly/2oQObi1