美國劇集《逃》(PrisonBreak)男主角威禾夫米拿(WentworthMiller),日前為比利時電視台錄影宣傳片,雖然只係短短分半鐘嘅過程,但阿Deep發現條片已經俾人擺咗上網。威禾夫原本要講法文,但佢講兩句之後即時放棄,不過網友似乎唔多介意佢唔識法文,仲大讚佢咁樣先至可愛㖭。
威禾夫喺《逃》入面排除萬難幫阿哥逃獄,現實生活嘅佢面對困難會有乜反應?當日威禾夫要為比利時電視台錄音,工作人員要求佢講「PrisonBreak」嘅法文,雖然威禾夫大學係主修英國文學,但似乎佢唔係一個語言天才,佢學講幾次之後,已經同工作人員講:「我還是說回英文好吧!」不過,見慣世面嘅威禾夫,一啲都唔覺得尷尬。