TVB見好唔收 參賽者技窮
ClickClick情報科:網友扯火叮走《殘酷II》

蘋果日報 2007/04/30 00:00


無綫節目《殘酷一叮》去年播映以來大獲好評,當時只得6歲的「小歌神」莫凱謙、已在圈中發展的喬寶寶及「拉丁霍啓剛」關浩揚等參賽者多才多藝,一度成為全城熱門話題。
今年無綫再度出擊,製作第二輯《殘酷一叮》,上周六(28號)已播出第5集,本應想令大家輕輕鬆鬆的節目,今次換來的卻是罵聲四起。最近連一眾爸爸媽媽也關注這個節目,更在交流湊仔心得的親子王國網站掀起討論潮,主要是投訴節目欠缺新意及兒童不宜。
父母關注內容
網友指其中一集台主劉丹穿上一襲豹紋套裝、超短熱褲加黑色長靴,唱出快歌《我恨我痴心》,她不停搔首弄姿,做出擘腿、打觔斗、側手翻及一字馬等高難度動作,凌零發看後也感到有點兒誇張,難怪旁邊一班有份參賽的小朋友也目瞪口呆,最後豹紋台主衞冕失敗。
網友bowling2004在網上發起帖子「我要投訴殘酷一叮!!點解可以越嚟越三級?!」bowling2004嚴斥:「原本齊齊坐喺度諗住睇吓啲人點搞笑,叫埋阿仔一齊睇,尷尬得我想熄電視。」另一網友edelwise就話:「呢啲節目教壞細路,快啲腰斬啦!」SandyKL狠批:「無綫就係咁,受歡迎嘅節目,續完又續,硬係搞到冇晒新意,狼狽收場,咁先肯釘蓋。今次睇番呢幾集,已經冇乜嘢新意啦,不離武術、雜技、魔術同小丑表演,越嚟越悶。姑且當嗰個女人做體操,咁會好過啲嘅。」
悶走32萬觀眾
凌零發昨日聯絡上無綫外事部助理總監曾醒明查詢,他說:「我哋冇接到任何投訴,參賽者只是透過動作增加娛樂性取得評判同觀眾嘅開心,而呢啲動作亦冇觸犯任何條例。」但廣管局已接獲2宗投訴,指動作不雅。
此外,昨日公布上周收視,上周六的《殘酷一叮》平均收視只得22點(約143萬人次觀看),比上集大跌5點,流失32萬觀眾。
爸媽狠批《殘酷一叮》
http://www.baby-kingdom.com/modules/newbb/viewtopic.php?topic_id=975846&forum=162&26
版主:凌零發
empty
台主太誇張
台主劉丹在上集不停扭動蛇腰,一輪火辣熱舞,結果她未能衞冕成功。
empty
台主劉丹在上集不停扭動蛇腰,一輪火辣熱舞,連一眾參賽的小朋友也看至目瞪口呆。
empty
參賽者騎呢
雖然參賽者落力表演,但網友看來仍不滿意,認為節目沉悶。
empty
表演欠新意
森美在上一集《殘酷一叮II》中挑戰參賽者,大玩骰仔,網友狠批節目內容越來越悶。