【本報訊】財爺亂派錢，再次將小島割裂成新舊你我，新移民再度成為攻擊對象，一直以來協助新移民家庭的天主教教區榮休主教陳日君（圖）樞機對此感痛心，促請政府按需要分配資源，幫助社會上最有需要的人。

對於facebook早前成立反對派錢予新移民的群組，陳日君擔心當年居港權爭議引發的歧視新移民情況重演，嘆氣連連，「派錢應該派畀有需要嘅人，新移民係有需要嘅人，我支持畀錢佢哋」。他認為社會資源應有效分配，「希望香港人唔好歧視啲新移民，派錢係講需要，唔係講佢哋有幾多貢獻嘅」。
天主教正義和平委員會幹事孔令瑜批評，港人的歧視心態是政府造成，「講和諧社會根本係廢話，由居留權事件種下呢啲禍根，內地孕婦產子要加費、住唔夠七年唔畀綜援，佢哋冇投票權、冇公屋，冇晒呢啲最低保障，被迫接受低工資、長工時，迫佢哋去死角囉」。
對於不少教友加入歧視新移民的群組，孔令瑜指耶穌從來在窮人身邊，「教會一直以嚟係同窮苦大眾一齊，如果你要搵耶穌，耶穌就係喺嗰度，你唔會見到佢同權貴親近」。