【酬勞非常滿意】無綫傾拍劇唔成事 秋官被爆唔識游學修

蘋果日報 2018/06/20 16:18

江若琳麥子樂鄭少秋游學修陳安立詭探前傳
    ViuTV全新劇集《詭探前傳》今日喺尖東舉行「誰是師父」發佈會，宣佈鄭少秋加盟演出，麥子樂、陳安立及游學修特別苦練舞蹈，迎接秋官加盟。
    《詭探前傳》以全新故事，中國民間傳統迷信習俗為主題，秋官在劇中飾演大學教授身兼靈異大師，秋官說：「今次接拍，工作時間唔會太辛苦，角色係全新，自己從未試過，之前睇咗第一季嘅《詭探》，的確好吸引！」秋官仲話對於上一次拍攝港劇，已經係12年嘅《心戰》，佢話：「相隔6年，今次降魔伏妖，當然會有多小動作，演繹上會科學啲新派啲。今次會戴眼鏡，西裝筆挺比較瀟灑，因為係做一個大學教授兼靈異大師。」
    秋官話今次拍劇唔會太辛苦，問到是否預先安排工作及休息時間，秋官話：「主要唔需要拍大夜班捱夜，就算拍夜晚都唔會好夜，酬勞唔講得，但係非常滿意，最重要係佢哋嘅誠意。」秋官今次同一班年輕人合作，有好多對手戲 ，劇裏面江若琳及沈殷怡飾演秋官女兒，秋官話：「呢班新一代從未合作過，自己認識江若琳。」《詭探前傳》預計拍兩、三個月，問到秋官無綫有否搵佢拍劇，秋官話：「上過《靚聲王》，其實有傾過，但係就唔啱時間，今次同ViuTV緣份到。」
    游學修話：「秋官話雖然仲未記得我哋嘅名，佢話索性叫我哋喺劇裏面嘅名，咁樣大家會更加投入，自己會珍惜同秋官合作嘅時間。」
    精選娛聞，喺晒《娛果》
    http://fb.com/appledailyent
    empty
    秋官今日出席《詭探前傳》個記招，佢話酬勞好滿意。
    empty
    《詭探》之前由邵仲衡及車保羅等人主演，口碑極好。
    empty
    秋官同游學修等人跳舞登場
    empty
    游學修等人落力
    empty
    都有啲台型嘅
    empty
    （左起）麥子樂、游學修同陳安立將參演《詭探前傳》。
    empty
    游學修話秋官話唔記得自己個名，索性叫角色名，方便又投入。