當年今日
關於我們

  《南華早報》報警趕記者 - 李八方

蘋果日報 2002/08/09 08:00


《南早》正副老總齊齊「起身」,已經成為國際新聞,BBC、FT.com、《金融時報》網上版同《華爾街日報》網頁都有報道。八方重聽聞有個《華爾街日報》記者,噚日衝咗上去《南早》辦公室,要求訪問老總被拒,死都唔肯離開。《南早》更報警叫差人趕走個記者。
八方聽完唔多信,《南早》同《華爾街日報》大家都同聲同氣,理應好易溝通,點會咁傷和氣?點知警方證實,噚日下午六點四十六分,真係收到過《南早》所在大廈一個求助電話,話見到一個懷疑係外籍記者咁嘅男子,在大廈徘徊,要求警方到場處理。不過警察到場前,該男子已經離開,所以警方都冇進一步資料。
《南早》發言人對八方話,自己身在另一棟辦公室,唔清楚件事,對於呢兩日嘅各種揣測,佢請大家畀多少少時間新管理層,遲啲就會公布重組公司架構嘅詳情。希望唔好太耐至公布啦,因為八方知道《南早》內部呢兩日人人自危。梗係啦,成個管理層都郁得,重有咩唔可以發生?


傳真︰2623-9278
電郵︰[email protected]