隔牆有耳：骹主隨意門送中
潘樂陶逃生門走佬 - 李八方

蘋果日報 2019/12/10 02:20

隔牆有耳鄭若驊潘樂陶骹主
    日前外電報道，喺英國受傷嘅律政司司長鄭若驊因為唔肯返香港兼想唔撈，結果被送中返大陸，喺班京官「教育」之下，終於乖乖哋返香港，同一時間佢老公潘樂陶控股的安樂工程涉違《競爭條例》，俾競委會上門調查，自然令人猜測兩件事有冇關，噚日八方同班行家無意中遇到潘樂陶，梗要問佢兩句，點知佢要搞到由逃生通道走人。
    empty
    潘樂陶在圍板保護下，直往逃生出口離開。
    empty
    世貿中心職員在通往逃生出口的走廊架起圍板，遮擋記者拍攝。
    empty
    職員圍板掩護
    噚日有成班行家係喺銅鑼灣世貿中心38樓採訪，正當各人齋等之際，潘樂陶突然行過去食飯，成班行家梗係埋去問佢太太同公司被查單嘢，但佢對提問一概唔答，直接行入去食飯。

    八方諗食飯最多食一兩個鐘，潘樂陶始終要走，於是成班行家就喺潘食飯嘅房外等，點知等咗一個鐘左右，現場嘅世貿中心職員突然有所行動，喺潘午飯嘅房間外、通去逃生出口嗰一段走廊，用大大大塊圍板圍住，等記者埋唔到去之餘，仲可以擋住記者影相拍片，而潘樂陶大約一個半小時後跟住兩名男子經由逃生出口快步離開，記者問乜都唔回應，其實潘樂陶算係公眾人物，即使唔回應，企定定答記者講唔答問題都可以，何需要好似逃亡咁避記者？

    李八方