嚟緊周日晚將會上演「曼徹斯特打吡」曼聯對曼城，絕對係今季英超其中一場最重要嘅比賽，兩軍教頭已經嚴陣以待。曼城主帥哥迪奧拿賽前就告誡曼城球員，喺比賽其間，唔可以咁輕易咁輸死球畀曼聯。

今季曼城表現出色，唔少傳媒都指出有賴防守上嘅改善。不過近兩場對修咸頓同韋斯咸嘅英超比賽，就發現球隊喺防守死球，禁區爭頂，應付高波等方面係明顯弱點。嚟緊周日面對曼聯，即便對手普巴缺陣，仲仍然有盧卡古、拉舒福特、尼曼查馬迪，費蘭尼等一眾「高人」壓陣。而曼城陣內最高大嘅中堅高柏尼好大機會缺陣下，就唯有唔好咁多無謂犯規，咁輕易畀對方得到死球機會。又即管睇下摩連奴常用戰術「費蘭尼打中鋒」，會唔會有機會喺周日使出，恰死曼城防線！

----------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM