由俞承豪同蔡秀彬主演嘅韓劇《不是機器人啊》，港劇迷可於Viu上同步觀看。劇集噚日播出第11及第12集，劇集講俞承豪飾演嘅企業家金敏圭患咗人類過敏症，而蔡秀彬飾演嘅趙智雅就假扮機械人同俞承豪相處，原本蔡秀彬嘅前度嚴基俊唔想蔡秀彬同俞承豪再有聯繫，並唔允許蔡秀彬再扮機械人，不過最終陰差陽錯下，蔡秀彬又返去俞承豪嘅住處。

蔡秀彬建議俞承豪親自下廚慰勞嚴基俊嘅下屬，但俞承豪不擅交際，令局面好尷尬。俞承豪用盡方法留住蔡秀彬，並親自同嚴基俊談判，表示只要同蔡秀彬一齊就唔會病發，最終嚴基俊同樣讓蔡秀彬繼續留低。

俞承豪為咗同初戀情人做足準備，仲打算喺咀嘴初戀後向對方求婚，仲認真到請咗接吻講師學習，而蔡秀彬就成為俞承豪嘅實習對象。到俞承豪同初戀約會嘅當天，嚴基俊同蔡秀彬因太擔心而趕到現場，蔡秀彬見到俞承豪同初戀大感不是味兒。約會後俞承豪顯得悶悶不樂，此時落起雨來，俞承豪拎住蔡秀彬設計嘅雨傘、見到蔡秀彬，蔡秀彬看見自己作品被欣賞，加上與俞承豪想法一致，蔡秀彬主動獻吻，兩人就喺傘下擁吻。

更多韓流，喺晒《娛果》
http://fb.com/appledailyent