周星馳在電影《少林足球》中有句經典對白「做人如果冇夢想，同條鹹魚有咩分別呀？」本住這個信念的「亞洲神童」張如城從沒放棄過做歌手的理想。
現年28歲的張如城前日在YouTube放上新歌《紅日之火》MV，除了用上高清拍攝之外，又用了時下流行的航拍技術。最值得讚賞的是雖然MV在內地取景，但他依然用廣東話大唱特唱。該MV風格貫徹張如城唱錯音、舞蹈員各有各跳的特色之外，又加入了極流行的「K-pop」feel。場景又包括萬里長城、沙灘及賽車場地，拍攝地點據聞走遍大江南北，認真巴閉。一眾高登仔見「亞洲神童」再有新歌，即熱烈地彈琴慶祝張如城復出，認為他在新MV中有車有女，絕對是人生贏家。

曾航生：教佢作曲

至於MV末段出現曾航生名字，他昨接受電話訪問時說：「哦……我之前有教過佢音樂啲嘢。係音樂作曲嗰啲，我畀啲comment佢箒。」記者再問到他有否參與製作，他即說：「你問番當事人會好啲，我唔方便講。」
張如城對上推出的作品是五年前的《中國的巨龍》，再之前的08年北京奧運，他又特意推出《友誼的光彩》，當時更被網友惡搞成《有耳的棺材》，笑他的唱功跟舞蹈「騎呢」。適逢今年又是奧運年，張如城再推出新歌似為奧運贈興。
撰文：李森