韓流天王Rain去年1月同女星金泰希結婚，同年10月兩人升呢做父母，一家三口好鬼幸福。

而金泰希嘅34歲閨密河詩恩亦已於前日(2日)做新娘，佢今日喺Instagram公開婚照，並留言指婚禮已圓滿結束，非常感謝大家嘅祝賀，又指會以更好嘅演技報答大家。河詩恩於前日喺首爾江南區嘅高級禮堂同圈外男友舉行婚禮，當天婚禮以非公開形式進行，只邀請家人、親戚同好友。

去年1月，河詩恩喺好友金泰希嘅婚禮上成功接過花球，當時佢受訪時就指自己冇拍拖及未有結婚對象，估唔到事隔年多，已升呢做人妻。河詩恩和金泰希於2013年因合作《君主的女人‧張玉貞》而成為好朋友。

精選韓流，喺晒《娛果》
http://fb.com/appledailyent