當年今日
關於我們

當年戴面具大鬧地鐵太癲狂
華仔鐵騎聖誕老人修心養性

蘋果日報 2004/12/24 00:00


當年仍在無綫的劉德華,曾在聖誕節戴着面具搭地鐵,在車廂大叫大嚷,還四處嚇人搗蛋,十分胡鬧。華仔又自爆小時候期盼收到聖誕老人的禮物,故他今年實行做鐵騎聖誕老人,送禮物給小朋友。
劉德華的演藝事業成績有目共睹,公益方面,他亦沒有閒着,華仔平時出席不少慈善活動,今年開始,他的目標便是做現代聖誕老人,令傳說中的聖誕老人變成真實,讓有需要的小朋友擁有快樂聖誕。

車廂內大叫大嚷
華仔日前接受訪問時,便以聖誕老人look出現,戴着聖誕帽的他,揹着大禮物袋,鹿車則換成電單車,他說:「我唔係聖誕老人,因為冇鬚同重未夠老,不過我同聖誕老人一樣,聖誕節都唔放假,我入行到𠵱家,二十五年嚟嘅聖誕幾乎都要開工,惟獨有一年過咗個好瘋狂嘅聖誕節。」
華仔透露當年在無綫時知名度已很高,平時不會隨便去逛街,但那年的聖誕,他開工後特地往搭地鐵,還在車廂中大叫大嚷一番,華仔說:「嗰年真係好瘋狂,我同嚴秋華同成班訓練班時嘅同學,開完工後,着晒西裝大褸,戴住面具搭地鐵,咁冇人認得嘛。我哋喺車廂大叫大笑,嚇親四圍嘅人,睇人哋好驚慌嘅反應重覺得好好玩,嗰陣少不更事,其實咁做好唔啱,真係太過瘋狂。」

開派對收集熊仔
華仔自言小時候最喜歡過聖誕,他表示若歌迷將送給他的禮物送給有需要的小朋友,聖誕便更有意義,他說:「一啲有需要嘅小朋友未必咁好彩有聖誕大餐食、有禮物收,我希望由今年開始,可以做啲嘢幫佢哋。」
而華仔今晚會在廣東道演出「劉德華熊遍全城廣東道聖誕street-party」,因為入場的歌迷之前都捐出一隻熊公仔作換票之用,收集所得的公仔會捐給多個慈善團體,再送給有需要的小朋友,讓他們如收到聖誕老人的禮物一樣開心。
採訪:蔡如玉
攝影:林德雄
服裝:連卡佛
電單車提供:亞林電單車有限公司
empty
華仔揚言每年聖誕均會做善事,幫助有需要的小朋友。
empty
化身現代聖誕老人的華仔,希望為小朋友圓夢。