【歌迷完騷叫口號】關智斌唱《眼紅館》自嘲「趕客」 送肉照回饋
關智斌紅館演唱會
一連兩場的關智斌首個紅館處男演唱會《KENNY is BORN 關智斌演唱會》,今晚於紅館舉行,全場爆滿。圈中好友包括Yumiko與女兒、林奕匡與太太、溫碧霞與丈夫、胡定欣、王賢誌與丈夫、吳千語及曾樂彤等,亦有前來捧場,至於差點令演唱會取消的張致恒(Steven),就未有現身。
演唱會於晚上8點半左右開始,幾乎全場爆滿。Kenny以幻彩閃閃外套、戴上同款閃閃闊邊帽現身三面台,站在台中升降台唱出經典金曲《眼紅館》揭幕,而眼見Kenny現身,全場fans即歡呼兼揮動Shocking Pink PomPom棒,他唱畢即大叫:「多謝大家。」
之後Kenny緊接唱出《戀愛最初回》,其間Kenny讚歌迷以PomPom棒營造的燈海「好靚」,他感謝所有入場支持的歌迷:「我已經想喊㗎啦其實,度咗嗰啲嘢一片空白。你哋一定要畀最大嘅掌聲我,今日係我處男騷呀!在座8,000人就見證住。我一開始唱《眼紅館》係咪好驚呀?識嗰首唱咗啦,係咪走得?」
Kenny又提到很多人關心他的演唱會:「好多人喺網上話,呢2、3個月嘅事,你個演唱會點搞呀?佢哋諗過好多名畀我,《英皇群星伴斌斌》、《巨基爆斌》嗰啲。」有歌迷大叫《相敬如斌演唱會》,Kenny笑謂:「相敬如斌呀嘛,我諗住講架啦。」全場起哄。他續說:其實我自己仲有好多好嘅歌,我出過4張大碟㗎認真,仲有冠軍歌添呀,仲要903,好難㗎,我呢啲偶像派。」隨即全場大笑,他力撐說:「我好多好歌㗎,不過唔hit啫。」然後Kenny獻唱《東京特急》及《再見美惠》。
而Kenny亦笑言今晚會不斷多謝大家,因為是在座每位把他帶到紅館,之後再唱出《先知》,而大銀幕亦隨即播放Kenny的照片,除了有他的小時候照片外,亦有赤裸上身、濕身造型的照片,惹來全場尖叫。
演唱會11點半左右結束,歌迷陸續散去,部份人離開時一路高叫「五大訴求 缺一不可」、「沒有暴徒 只有暴政」、「香港人加油」、「光復香港 時代革命」等口號。有人亦留在紅館外唱改版的《有隻雀仔跳落水》及《願榮光歸香港》,亦有人拿出印有口號的紙燈籠應節。
採訪:盧妹
-----------------------------
【撐學生】
召集有心人 撐學生全年睇《蘋果》
立即按此 -----------------------------
《囚牢之疆》 專頁
揭開集中營邪惡面紗
今日新疆 明日香港
以《眼紅館》掀幕,Kenny搞笑說:「識嗰首唱咗啦,係咪走得?」
Kenny收到好多演唱會名建議,包括《英皇群星伴斌斌》、《巨基爆斌》及《相敬如斌》。
演唱會結束後部份歌迷未有離開,在紅館外叫口號及唱歌。